A rôh hôp, Kăn hnê ngăn mâu tíu pêi cheăng, kơvâ cheăng hiăng tơpui tơno, tối nhên, pơtối tơmâng xo mâu tơdroăng ki tơdjâk troh mâu troăng rơhlâ pro tơniăn kơxô̆ pơkâ thế tâk tung cheăng kâ châ 6 troh 6,8%, xo liăn ngân nâp ăm hngêi rak liăn tơnêi têa châ 8.500 rơtal liăn tung hơnăm 2024. 

Mâu troăng rơhlâ vâ mơnhông khu mơdró, pro xiâm ki tơ’lêi hlâu vâ kum ăm kuăn pơlê ai cheăng pêi, tơ’mot mơngế ki rơkê pêi cheăng, tăng troăng rơhlâ pêi vâ ai tiô pơkâ mơjiâng thôn pơlê nếo hơnăm 2024, troăng rơhlâ vâ râk, rak kong ƀă rế hên ki vâ chiâng kong ăm xâp rơngiâp tung la ngiâ.

Á rôh hôp mê, Hô̆i đong hnê ngăn kong pơlê Dak Lak hiăng vâ môi tuăn tơbleăng 36 tơdroăng pơkâ ƀă tối hên tơdroăng kal ki ê, pro xiâm ki tơtro kơ luât, cho tơdroăng mơhnhôk vâ mơnhông cheăng kâ - rêh ối tung hơnăm 2024 ƀă mâu tơdroăng vâ pêi troh  hơnăm 2025.