VOV4.Xơ Đăng - Kơxo lơ 20/5, Hô̆i đong Pơlê kong kân Hà Nội hneăng má 16, tơkŭm po Hneăng hôp ‘na séa ngăn, tơpui tơno, pơkâ xing xoăng cheăng, tơdâng tơ’mô kơxô̆ liăn ăm tơdroăng tơkêa bro mơ’no liăn mơjiâng troăng ví 4 – Kơpong pơlê kong xiâm vâ tơ’nôm tung hô sơ tơbleăng Kuô̆k hô̆i séa ngăn. Kố cho troăng kân ki kal dêi Tơnêi têa xua Kuô̆k hô̆i pơkâ troăng hơlâ mơ’no liăn. Ai 100% mâu kăn teăng mâ ai mâ môi tuăn, Hô̆i đong Pơlê kong kân Hà Nội môi tuăn troăng hơlâ tiô tối hdrối kơxô̆ liăn pêi pro troăng kân ví 4 – Kơpong pơlê kong xiâm châ xo liăn ing hngêi arak liăn pơlê kong kân cho dâng 23.520 rơtal liăn.

Tâ tá hneăng hôp

Troăng kân xŏn 112 km, tơkâ hluâ 3 kong pơlê, pơlê kong kân: Hà Nội, Hưng Yên ƀă Bắc Ninh. Tíu a ko a troăng kân ăm phêp rơxế kơtâu têi Nội Bài – Lào Cai ối tung tơring Sóc Sơn, pơlê kong kân Hà Nội; tíu mơ’nui a troăng kân ăm phêp rơxế kơtâu têi Nội Bài – Hạ Long ối tung kơpong tơring Quế Võ, kong pơlê Bắc Ninh. Tiô tối hdrối kơxô̆ liăn lối 85.800 rơtal liăn, hâi khế pêi pro tơdroăng tơkêa bro sap hơnăm 2022 troh hơnăm 2027.

A Sa Ly tơplôu ƀă tơbleăng