Hneăng hriâm tâp po sap ing hâi lơ 7 troh lơ 11/8 ƀă veăng ai lối 300 ngế cho mâu kăn dêi mâu khu ngăn văn hok ngê̆ thuât, Khu hnê mơhnhôk cheăng Đảng kong pơlê, giảng viên mâu hngêi trung đăi hok, kao đăng ƀă mâu ngế chêh hlá tơbeăng dêi mâu kơ koan chêh hlá tơbeăng a 36 to kong pơlê pơlê kong kân.

Tung 5 hâi hdrối, mâu ngế ki hriâm châ tơpui 6 chuyên đề  cho tơdroăng tơdjâk troh văn hok ngê̆ thuât; kơmăi kơmok ‘na mơhno túa lĕm tro ƀă tíu pêi cheăng, hnoăng cheăng dêi văn hok ngê̆ thuât tung mơnhông cheăng ƀă kơmăi kơmok tiô túa lĕm tro ki nếo; tung pơla hơ’lêh nếo tơdroăng cheăng pêi dêi Khu tơrŭm cheăng dêi mâu khu chêh văn hok ngê̆ thuât Việt Nam ƀă mâu khu cheăng văn hok dêi kơvâ cheăng xiâm tơnêi têa tiô tơdroăng pơkâ ki nếo.