Tối tơbleăng a hâi hôp, Ngế pro xiâm hnê ngăn Chin phuh Phạm Minh Chính pơkâ thế hneăng hôp tối nhên, tối tro tơdroăng cheăng pơkuâ hnê mơhno, pơkuâ cheăng dêi Chin phuh tung hơnăm 2023 hiăng tro, hiăng tŭm ƀă hâi tối tro tơdrăng khât há? Tíu ki nếo tung hnê mơhno, pơkuâ ngăn hnê djâ pêi mâu tơdroăng cheăng  tung hơnăm 2023 cho ki klâi?

Ki khât gá, rêm râ, kơvâ cheăng, mâu kong pơlê hiăng ‘nâi nhên tơdroăng ƀă ai tối ‘na luât pơkâ tŏng kum teăm tơdrêng, tơtro,  hâi ai pơxúa há... Tối ‘na tơdroăng hiăng châ pêi pro tung mơnhông cheăng kâ rêh ối hơnăm 2023 Ngế pro xiâm hnê ngăn tối nhên, tơdroăng cheăng kâ rêh ối hơnăm 2023 pơtối mơnhông tơƀrê, khế kơ’nâi pêi cheăng tơƀrê tâ khế hdrối, Pái khế kơ’nâi pêi châ hên tâ pái khế hdrối, pin hiăng pêi châ tơƀrê tơdroăng pơkâ tâi tâng cho tơniăn cheăng kâ kân, kâi mơdât liăn chu rơpâ yă, mơnhông cheăng kâ, rêh ối dêi kuăn pơlê rế xông tơƀrê...

Tối ‘na tơdroăng ki hâi pêi pro, ki pro oh tá tro, ki xơpá, pơloăng mơnúa Ngế pro xiâm hnê ngăn  tơnêi têa tối nhên, kal thế mơnhên tơ’nôm xiâm ki ôh tá vâ rĕng tơmâng, ki tơngôu ƀă tối troăng rơhlâ pêi pro ƀă 5 tơdroăng pơkâ ki pêi ôh tá rơhéa tiô pơkâ... vâ ai troăng rơhlâ ‘mâi hơ’lêh pêi klêi tung hơnăm 2024 pêi pro châ tơƀrê pê klêi hnoăng cheăng ki hiăng pơcháu.