A rôh hôp, mâu kăn ki rơkê, mâu ngế hriăn plĕng tơkŭm mơnhên ƀă pơtối mơhno hnoăng cheăng pêi dêi Đại tướng Đoàn Khuê - Ngế kŏng sản khên tơnôu, ngế ki pro troăng lĕm ahdrối ‘na hiâm mơno lĕm dêi kăch măng, plâ rơxông ối rêh pleăng hnoăng tơná, tung tơplâ pêi tâi tơdroăng cheăng kăch măng dêi Đảng, Hdroâng mơngế ƀă Mâu lêng. Thươ̆ng tươ̆ng Lê Huy Vịnh, Ngế phŏ pơkuâ ngăn lêng tối nhên: Plâ 60 hơnăm pêi cheăng ăm kăch măng, Đại tướng Đoàn Khuê hiăng tơkâ luâ hên hneăng cheăng pro kăn, pêi hên tơdroăng cheăng pơrá phá.

Mơhé pro kăn  xiâm lơ ôh, pôa Đoàn Khuê đi đo rak hiâm tuăn ki lĕm dêi mơngế lêng kăch măng, pêi cheăng tá tuăn tá hiâm mơno vâ mơnhông tơnêi têa, pơxúa ăm kuăn pơlê; hriăn plĕng tơdroăng kal, pơkâ tro, hriăn plĕng tơdroăng ki nếo tung pơkuâ, hnê mơhno, pê klêi hnoăng cheăng ki Đảng, tơnêi têa ƀă kuăn pơlê pơcháu.