Pơtối rôh hôp 44, kơxê lơ 25/4, Tơbleăng mơgêi dêi Khu xiâm pơkuâ tơdroăng kal kí hâi 1/3/2025 ‘na tơdroăng ôh tá nâp liăn hriâm ƀă hok tro mầm non ƀă hok troh phôh thong, Pơkâ kố kô ‘mot tơ’nôm mâu ngế ki ôh tá kal nâp liăn hriâm tung mâu hngêi trung kông lâ̆p, gum nâp liăn hriâm ăm hok tro yân lâ̆p, tư thuk.

Tiah mê, kơxô̆ riân ngăn hơnăm hriâm 2023-2024, nôkố tung lâp tơnêi têa ai 23,2 rơtuh ngế hok tro. Tâi tâng kơxô̆ liăn tơnêi têa athế mơdrếo tiô riân cho 30,6 rơpâu rơtal. Ki hên mâu ngế môi tuăn tơdroăng ki kal pơkâ mơ’no, mơhno tơdroăng ki tro dêi troăng tŏng gum tơdâng tung tơdroăng ki hriâm tâp ƀă hnoăng cheăng dêi Tơnêi têa ƀă ngế ki hriâm, tŏng gum ăm mâu rơxông ối nếo ƀă rak tơniăn rêh ối pơlê pơla.

Laga, mâu ngế cheăng pơkâ thế kal mơnhên tối nhên tơdroăng ki pro tơdâng liăn ngân dêi kong pơlê, malối cho mâu kong pơlê ki xơpá ‘na cheăng kâ liăn ngân vâ rak vế pêi pro troăng hơlâ kố.