
Hneăng kố nah, Đảng ƀô̆ hiăng pơkuâ tíu pêi cheăng pê klêi mâu tơdroăng cheăng ki kal, ki tơƀrê cho rak hnoăng pơkuâ, kring tơniăn tíu tơkăng kong a tơnêi ƀă kơpong têa kơxĭ. Đảng tơkŭm po 10 to lâm hnê lý luận chính trị ăm 311 ngế đoân viên ưu tú, tơ’mot 139 ngế đảng viên nếo. Mâu túa pêi cheăng kum rêh ối pơlê pơla mê cho “Têk chêng o prôk troh hngêi trung”. “Kuăn roăng Đông Mố đô̆i tơkăng kong”, “ ATM têa krúa tíu tơkăng long”, ƀă hên ki ê pơtối pêi ai pơxúa, kơjo kum ai pơxúa ăm kuăn pơlê kơpong tíu tơkăng kong”.

Đông kố xuân mơdêk hnê tối troăng hơlâ tíu tơkăng kong, tơ’mot lối 13.00 ngế kuăn pơlê veăng. Hneăng hơnăm 2025- 2030, tung pơla tơ’mot tíu pêi cheăng, mâu lêng kô pơtối kring gak tíu tơkăng kong, mơjiâng khu tơrŭm cheăng Đảng rơdêi, rơtế ƀă kuăn pơlê ƀă tơbleăng pêi ai pơxúa "Bình dân học vụ kơxô̆”.
Viết bình luận