VOV4.Xơ Đăng - Vâ veăng mơnhên ki pơxúa ‘na khoa hok - pêi pro tiô tuăn mơno Hồ Chí Minh ‘na mơdêk tuăn mơno lĕm kăch măng, tah lôi mâu ki ai tuăn ‘mêi, koh tơbâ 132 hơnăm hâi kot mâ Pô Hồ Chí Minh, Kăn xiâm hnê ngăn tơnêi têa ki apoăng, kơxo lơ 12/5, a Hà Nội po hneăng hôp tơpui ‘na khoa hok dêi tơnêi têa, mơđah tơbleăng um ƀă hriăn chêh hlá mơ-éa “mơdêk tuăn mơno lĕm kăch măng, tah tâi mâu ki ai tuăn ‘mêi, tiô tuăn mơno, túa pêi cheăng dêi Hồ Chí Minh”.

Hôp tơpui tơno “Khoa hok mơdêk tuăn mơno lĕm kăch măng, tah mâu ki ai tuăn ‘mêi”

Pôa Võ Văn Thưởng, Ngế cheăng tung khu xiâm kal kí, Ngế pơkuâ hnê ngăn Đảng ƀă hlối pơkuâ hneăng hôp. Mâu tơdroăng chêh tơbleăng a hneăng hôp hiăng mơnhên ‘na tuăn mơno ki lĕm dêi Hồ Chí Minh tung tơdroăng ‘na tuăn mơno dêi Pôa ‘na mâu tơdroăng kăch măng Việt Nam; hnoăng cheăng, xiâm tuăn mơno mơhno troăng ‘na tuăn mơno ki lĕm dêi Hồ Chí Minh ƀă tơdroăng mơjiâng Đảng tối tơchoâm ƀă tơdroăng cheăng mơjiâng Đảng ‘na tuăn mơno tối krê ing nah troh nôkố ƀă tung rơxông nếo.

Gương tơplôu ƀă tơbleăng