Tơdroăng po hôp xua Học viện vâi kơdrâi Việt Nam ƀă Hngêi trung đại học Chonnan Hàn Quốc tơrŭm tơkŭm po, veăng hôp mê ai mâu khu cheăng khoa hok dêi Việt Nam, Siam, Sinuâ. Tiô tối tơbleăng dêi Khu tơrŭm cheăng ngăn kuăn pơlê Lăm rêh ối lâp plâi tơnêi hơnăm 2022, riân tung lâp plâi tơnêi ai 281 rơtuh ngế lăm rêh ối hơnăm 2020, tơ’mô ƀă 3,6% kơxô̆ pơ’leăng mâ mơngế tung lâp plâi tơnêi.

Kơxô̆ mơngế lăm rêh ối tung lâp plâi tơnêi hiăng tâk tung 5 chât hơnăm  hdrối. La pakĭng mê ối ai hên tơdroăng tơdjâk troh lăm rêh ối, mê cho: Tơdroăng rêh ối, tơniăn tung tơdroăng lăm rêh ối,  ƀă tơniăn pêi cheăng ăm mâu ngế prôk lăm rêh ối. Kố cho mâu tơdroăng kal tơmâng khât tăng hĭn plĕng hên tâ.

Xua mê, a hneăng hôp tơpui tơno, mâu ki rơkê, mâu kăn dêi Việt Nam, Hàn Quốc, Siam ƀă Sinuâ tơpui hên a 4 tơdroăng ki kal mê cho: Lăm rêh ối ƀă mâu tơdroăng ‘na kơdrâi ƀă kơmốu; Lăm rêh ối ƀă Rak ngăn ivá; Lăm rêh ối ƀă Kring vế pơlê pơla; Tơdroăng ki ê tơdjâk troh lăm rêh ối.