VOV4.Xơ Đăng - Drêng troh leh tơbâ 50 hơnăm plâ ƀlêi trâng Đăk Tô - Tân cảnh, kơxo lơ  22/4, Khu xiâm pơkuâ ngăn lêng pơkuâ tơrŭm ƀă khu kăn Đảng kong pơlê Kon Tum tơkŭm po hneăng hôp tơpui ‘na khoa hok râ Khu xiâm pơkuâ ngăn lêng ƀă tơdroăng pơxá: Plâ ƀlêi trâng Đăk Tô - Tân Cảnh - Ki pơxúa ton nah ƀă ƀai hriâm‘’.

Ƀă lối 80 hlá mơ-éa tối tơbleăng, mâu tơdroăng chêh tối hiăng mơhno nhên ki ôh tá tro dêi xâ Mih ƀă mâu kăn xiâm Sài Gòn dế mê nah; Ki rơdêi ƀă ki mơ-eăm dêi kăch măng peăng Hdroh tơnêi têa ƀă tơdroăng pơkâ lăm plâ khŏm châ ƀlêi trâng pơkâ plâ hnâp môi hvêa prôk ki xiâm dêi tơdroăng ‘’Việt Nam pơ’lêh tung tơplâ’’.

Tâ tá hneăng hôp

Hôp tơpui tono hiăng veăng pro nhên, trâu khât tâ mâu tơdroăng ‘na tơpui ƀă ki ai khât ing rôh tơplâ Đăk Tô - Tân Cảnh. Kố cho tơdroăng tơpui khoa hok va xúa a tơdroăng ki ai khât tung hnoăng cheăng lêng, kring gak pơlê pơla tơnêi têa, veăng ‘no hnoăng plâ ƀlêi trâng mơjiâng ƀă kring vế tơnêi têa tung tơdroăng nếo nôkố.

Pakĭng mê veăng hnê tối tơdroăng tơplâ dêi kăch măng, tơbêng tuăn pâ nhoăm tơnêi têa, hiâm mơno hâk tơngăm dêi hdroâng mơngế ăm mâu kăn ƀô̆, mâu lêng ƀă kuăn pơlê.

Gương tơplôu [ă tơbleăng