VOV4.Xơ Đăng - Leh tơbâ 110 hơnăm Hâi kot mâ pôa Nguyễn Văn Cừ (09/07/1912-09/07/2022) kơxê lơ 8/7, a kong pơlê Bắc Ninh, Học viện Chính trị Quốc gia Hồ Chí Minh  tơrŭm ƀă Khu ngăn hnê mơhnhôk cheăng xiâm tơnêi têa ƀă khu kăn Đảng ủy kong pơlê Bắc Ninh tơkŭm po Hôp tơpui ‘na khoa hok “pôa Nguyễn Văn Cừ, Kăn xiâm pơkuâ hnê ngăn Đảng - Kăn xiâm hnê ngăn ki rơkê dêi Đảng ƀă kăch măng Việt Nam, ngế kuăn ki rơkê kơhnâ dêi pơlê xiâm Bắc Ninh.

Pôa Nguyễn Văn Cừ kot mâ tung môi rơpŏng hngêi rơkê chư la kơtiê, ing nah ai ngế rơkê a cheăm Phù Khê, tơring Từ Sơn, kong pơlê Bắc Ninh, nôkố cho cho cheăm Từ Sơn, kong pơlê Bắc Ninh. Tâi tâng tơdroăng cheăng kăch măng dêi pôa cho môi ngế djâ troăng lĕm ahdrối ai hiâm mơno lĕm kơnía  dêi mơngế Kŏng sản, chiâng Kăn hnê ngăn Đảng a khế 3/1938.

Ƀă 29 hơnăm ối rêh, 13 hơnăm veăng hnoăng cheăng kăch măng, 7 hơnăm tro kroăng phâk dêi xâ, lối 2 hơnăm pro Kăn xiâm hnê ngăn dêi Đảng, pôa Nguyễn Văn Cừ, Kăn pơkuâ hnê ngăn Đảng hiăng ai hnoăng pleăng tơná kân kĭn ăm tơdroăng cheăng kăch măng dêi Đảng ƀă hdroâng mơngế pin.

Gương tơplôu ƀă tơbleăng