VOV4.Xơ Đăng - Kơxo lơ  11/5, A Hà Nội, po hneăng hôp tơpui “tơdroăng tung măng ƀă ‘na kring vế  tíu tơkăng kong mơhno ki lê̆m tro tuăn mơno dêi hơnăm ối nếo’’. Hneăng hôp mơ’no tơdrêng tung hyôh internet troh 63 tíu mơ’no dêi mâu kong pơlê, pơlê kong kân tung lâp tơnêi têa. A hneăng hôp, mâu kăn tơkŭm hvái ngăn ‘na tơdroăng tơdjâk troh ‘na măng, mâu tơdroăng tê mơdró tơkâ luâ tơkăng kong  ƀă tơdroăng kring vế tói tơkăng kong mơhno lê̆m tro tuăn mơno tung mơla nôkố.

Tâ tá hneăng hôp tơpui tơno

Tơbleăng a hneăng hôp pôa Nguyễn Trọng Nghiã, ngế pơkuâ ngăn tơdroăng kal kí xiâm tơnêi têa pơkâ thế rêm râ khu xiâm Đoân kal thế xúa ai pơxúa mâu măng , tung pơla pơ’lêh kơxô̆ vâ mơdêk hlê plĕng dêi  ing mâu hơnăm ối nếo ‘na tơdroăng ton nah, mâu tơdroăng mơhno túa lê̆m tro ki tơviah dêi hdroâng kuăn ngo xuân môi tiah tơdroăng cheăng mơhno túa lê̆m tro ƀă tung pơla mơnhông tơnêi têa.

Khu tơrŭm cheăng Đoân kal tơkŭm tí tăng ‘nâi plĕng, mơjiâng mâu troăng rơhlâ tŏng kum mâu droh rơtăm pơxiâm pêi cheăng pơ’lêh nếo tơdroăng mơhno ki lê̆m tro;  mâu đoân kal, tơkŭm po, ‘no liăn cheăng, kơjo kum mâu roh tơ’noăng, tơdroăng tơkêa pro pơxiâm pêi cheăng ‘na mơhno ki lê̆m tro, mâu tuăn tơmiêt, tơmeăm pê lo mơhno ki lê̆m tro kơnía git, tơbleăng troh lâp lu tung mâu  vâi o, phôm xông kân mâu  droh rơtăm.

Gương tơplôu ƀă tơbleăng