VOV4.Xơ Đăng - Lâp kơpong Tây Nguyên nôkố ai dâng 2.000 to long, rơchôa hdoăng têa. mơni kô tơ’nhê hên mâu long, rơchôa têa a rơnó mêi têa lân lu, tơdroăng kố  châ Ngế xiâm ngăn ‘na chiâk deăng ƀă mơnhông thôn pơlê tối tơbleăng hên hơnăm kố. Tung rôh lăm séa ngăn a long, rơchôa a Tây Nguyên, pôa Nguyễn Văn Tỉnh, Ngế xiâm ngăn ‘na rơchoâ ăm ‘nâi, a hên kong pơlê, tung rơnó mêi têa lân lu, a mâu rơchôa ki nếo hdoăng têa bú tơmâng troh tơdroăng mơ’no tah têa ôh tá ăm châ plế, mơ’no têa tiô kơdró pro hdrối la hâi teăm tơmiât troh tơdroăng rak vế rơchôa vâ ví ing tơhnah.

 Hrĭng to rơchoâ kâng têa a kơpong Tây Nguyên mơni kô ôh tá tơniăn

Tung pơla mê, tâi tâng mâu long, rơchôa hdoăng têa xuân ăm hlo dế ôh tá tơniăn, malối a mâu rơchôa ki kân ƀă tơnêi hiăng ton hơnăm. Mê cho tơdroăng ki rơ-iô tung rơnó mêi têa lân lu ƀă mâu kong pơlê Tây Nguyên thế rĕng tơmâng. Tung pơla tơkôm liăn ngân xiâm tơnêi têa vâ ‘mâi rơnêu pro, mâu kong pơlê tung kơpong kal hbrâ pêi pro mâu troăng rơhlâ rak tơniăn ăm rơchôa vâ rĕng châ ’nâi drêng hiăng oh tá tơniăn ƀă rĕng teăm tơbleăng tối ăm kuăn pơlê.

Gương tơplôu ƀă tơbleăng