Châ mơjiâng sap ing khế 7/1951, hngêi pơkeăng kố cho tíu khăm pơlât xiâm ối tung Khu xiâm ngăn pơkeăng, rak vế hnoăng cheăng ki kal tung khăm pơlât kuăn pơlê kơpong peăng tơdế ƀă peăng kong ngo ‘na kơnhŏng. Khĕn kơdeăn mâu tơdroăng pêi pro ƀlêi chiâng dêi hngêi pơkeăng tơkâ luâ lối to chât hơnăm mơjiâng ƀă mơnhông, Phŏ Kăn xiâm hnê ngăn Kuô̆k hô̆i pơkâ thế tâi tâng kăn pơkuâ, khu ƀok thái pơkeăng pơtối mơnhông khôi hmâ tơrŭm, pơhlêh nếo, mơdêk rơdêi hriăn ngăn ƀă ứng dụng mâu kih thuât ki rơkê plĕng.

Rơtế amê, hngêi pơkeăng kal mơdêk pơhlêh kơxô̆ tung pơkuâ ngăn, khăm pơlât, mơdêk ki rơkê plĕng dêi mâu ngế cheăng khăm pơlât, xo ngế ki châi tamo pro ngế ki xiâm. Phŏ Kăn xiâm hnê ngăn Kuô̆k hô̆i xuân tối nhên hnoăng cheăng hnê kih thuât ăm râ pá xôp, vâ veăng pro kơdroh ăm râ tơnêi têa, hlối rế hía rế mơjiâng hngêi pơkeăng chiâng tíu xiâm khăm pơlât ki rơkê, tiô chal nôkố kơpong peăng kơnhŏng, khăm pơlât, rak ngăn ivá châ chăn kuăn pơlê.