Hâi lơ 4/9, jâ Trương Thị Mai, kăn pơkuâ tơrŭm Tơnêi têa hiăng ai rôh pêi cheăng ƀă Khu pơkuâ ngăn Đảng ƀô̆ kong pơlê Yên Bái.

Tiô tối tơbleăng, troh nôkố, Yên Bái ai 18/19 tơdroăng pơkâ châ pêi klêi ƀă tơkâ luâ tơdroăng Pơkâ hneăng hôp 19 Đảng ƀô̆ kong pơlê, ai 1 tơdroăng pơkâ kal tơkŭm hnê mơhno kơtăng ƀă ai troăng hơlâ pêi pro kơtăng vâ pêi klêi cho tơdroăng ki pêt kong ăm ai xâp rơngiâp sap ing 63% troh 65%.

Tơpui a rôh pêi cheăng, jâ Trương Thị Mai hiăng tơmâng xo, khĕn kơdeăn, mơnhên tối khât mâu ivá mơ-eăm dêi Đảng ƀô̆ kong pơlê Yên Bái hiăng mơ-eăm tơkâ luâ xơpá vâ pêi klêi mâu tơdroăng ki kal tung tơdế hneăng pêi cheăng pơla hdrối kố nah.

Tung mê, ki xiâm Yên Bái hiăng kơtăng pêi pro tung tơkŭm pêi pro tro hnoăng cheăng pơkâ pơ’lêh, pơkuâ tơkŭm pei pro Pơkâ. Tơdrêng amê hlối tối nhên, sap ing nôkố troh mơ’nui hneăng, Yên Bái kal tơmâng tơbleăng mâu troăng hơlâ nâp liăn rak tơniăn tơdroăng pơkâ mơ’no; tơmâng mơdêk ki rơkê tung hnê mâu ngế cheăng; mơdêk tơdroăng rêh ối liăn ngân – hiâm mơno ăm hdroâng kuăn ngo. Kal hnê tơ’nôm, hnê pêi pro châ tiô tơdroăng ki pơkâ thế hnoăng cheăng.