A roh tơdah, teăng mâ khu râ kăn pơkuâ hnê ngăn Đảng, Tơnêi têa, jâ Trương Thị Mai phiu ro ƀă kheăn kơdeăn tơdroăng châ tơƀrê dêi kŏng đoân Mô đô̆i tung mâu hơnăm hiăng hluâ.

Tung la ngiâ, rơtế ƀă hlê plĕng pêi pro, mơdêk tơdroăng hnê hriâm kal kí, troăng tơmiât pêi, jâ Trương Thị Mai pói vâ Kŏng đoân mô đô̆i pơtối tơkŭm po lĕm tro tơdroăng tơ’noăng Kŏng đoân mô đô̆i, pơ’lêh nếo tơmiât pêi rơkê, pơtâp ivá, tơ’nôm hiâm mơno lĕm, mơdêk tuăn ngôa rơkê, pơtâp tơdroăng cheăng krá tơniăn rơdêi, mơnhông tơxâng, tơxâng inâi Mô đô̆i Pôa Hồ; roh mơhnhôk mơnhông khôi túa pleăng ivá rơkê tơxâng inâi Mô đô̆i Pôa Hồ ƀă mâu tơdroăng pêi ki nhên pơxúa châ tơƀrê.