A chôu phut tơdah, jâ Võ Thị Ánh Xuân hâk phiu hiăng hlo tơrŭm cheăng pơla peá pâ tơnêi têa tung pơla achê kố nah châ mơnhông ki ai pơxúa hên, malối tung tơrŭm tơpui tơno ƀă tơdroăng trâm mâ pơla mâu khu râ. Tơdroăng ki ‘mâi mơnhông loi tơngah dêi pó tung pơkuâ ngăn cheăng kal kí, ki má môi, khu kăn xiâm pơkuâ ngăn peá pâ kong têa cho ki xiâm ki kal tung mơjiâng mâu hnoăng cheăng tơrŭm pơla péa pâ.

Maluâ ti mê, mâu tơdroăng ki tơrŭm cheăng pơla peá pâ xuân tá hâi teăm tơxâng ƀă tơrŭm cheăng kal kí, tơmeăm khoăng ki ai hlâu, ki kơnía git dêi péa pâ tơnêi têa. Ing mâu tơdroăng ki mê, jâ Võ Thị Ánh Xuân pâ thế péa pâ kong têa pơtối thăm mơdêk tơdroăng tơpui tơno pơla mâu kăn, malối pơla mâu kăn xiâm pơkuâ kong têa.

Tơdrêng amê, thăm mơdêk tơkŭm po mâu hnoăng cheăng ki tê mơdró, mơ’no liăn cheăng, po hneăng tơpui tơno ‘na mơdró kâ, thăm mơdêk rôe tơ’mot hên mâu kế tơmeăm ki péa pâ hiăng mơjiâng chiâng tơmeăm ki kơnâ lĕm. Kăn teăng mâ kong têa Qatar vêh mơnhên tối, Việt Nam cho kong têa ki kal dêi kong têa Qatar a kơpong châu Á-Thái Bình Dương ƀă tơkêa kô thăm kơdo mơ-eăm tâi ivá mơno, veăng kum ‘mâi mơnhông ƀă thăm mơdêk hên tâ nếo tung tơrŭm cheăng nhŏng o ƀă tơrŭm krá khât pơla péa pâ tơnêi têa.