Tơbleăng a rôh tơdah, jâ Võ Thị Ánh Xuân, Kăn xiâm phŏ hnê ngăn tơnêi têa khĕn kơdeăn mâu hnoăng hiăng pêi pro dêi khu vâi kơdrâi, Khu pơkuâ ƀă ‘no liăn cheăng pêi châ tơƀrê, veăng ‘no hnoăng kân ăm tơdroăng mơnhông tơnêi têa. Ƀă  tơdroăng tơmâng  tŏng kum dêi Đảng, Tơnêi têa, hên hơnăm hdrối, vâi kơdrâi Việt Nam rế châ pơtối rak ki rơdêi, hnoăng cheăng tơná, châ pơlê pơla hlo tŭm tâ, hlối pleăng hnoăng hên ăm tơdroăng mơjiâng ƀă kring vế tơnêi têa.

Jâ Võ Thị Ánh Xuân pơkâ thế Khu xiâm ngăn tơdroăng pơkâ ƀă ‘no liăn cheăng tơmâng khât tâ nếo troh vâi nâ o, pro xiâm ki pêi cheăng, rôh mơnhông ăm khu vâi kơdrâi mơhno ki rơkê tơná vâ pleăng  hên  hnoăng tơná.