VOV4.Xơ Đăng - Hâi lơ 7/6, a tíu pêi cheăng dêi Kăn xiâm hnê ngăn tơnêi têa, jâ Võ Thị Ánh Xuân, kăn xiâm phŏ hnê ngăn tơnêi têa tơdah khu mâu ngế ai hnoăng tơnêi têa dêi kong pơlê Đồng Nai drêng rôh lăm pôu pơlê kong xiâm Hà Nội ƀă hlối pôu ngăn hngêi ‘măn poăng Pôa Hồ. Kong pơlê Đồng Nai nôkố ai lối 52 rơpâu ngế ai hnoăng kăch măng ƀă ai nôu pâ lơ nhŏng o xiâm hlâ ai hnoăng tơplâ nah. Tung mê, ai 1 rơpâu 141 ngế Jâ Nôu Việt Nam khên tơnôu.

Tơpui tơno ƀă khu mâu ngế ai hnoăng kăch măng kong pơlê Đồng Nai, jâVõ Thị Ánh Xuân, kăn xiâm phŏ hnê ngăn tơnêi têa khĕn kơdeăn mâu tơdroăng ki mơ-eăm dêi kong pơlê Đồng Nai tung tơdroăng pêi pro tiô luât pơkâ tŏng kum mâu ngế ai hnoăng tơnêi têa; thế kong pơlê Đồng Nai pơtối mơhnhôk kuăn pơlê veăng kum mâu ngế ai hnoăng tơnêi têa ki kơtiê tá tơdroăng rêh ối ƀă hlối hơlêm tuăn ngôa; malối ‘na tơdroăng mơjiâng tơmeăm khoăng, ‘mâi rơnêu pro hngêi ối. Kăn xiâm phŏ hnê ngăn tơnêi têa xuân púi vâ mâu ngế ai hnoăng kăch măng kong pơlê Đồng Nai pơtối rak vế pêi pro  tơdroăng pâ nhoăm tơnêi têa, mơjiâng pơlê pơla rế rơkê plĕng, kro mơdrŏng.

Gương tơplôu ƀă tơbleăng