Jâ Võ Thị Ánh Xuân, Kăn xiâm phŏ hnê ngăn tơnêi têa hôp tơpui ƀă Ngế pro xiâm hnê ngăn kong têa Mozambique
Thứ ba, 13:47, 12/09/2023
Tơplôu: Gương/VOV
Tơplôu: Gương/VOV
VOV4.Xơ Đăng - Tiô rơkong krếo thế dêi pôa Adriano Maleiane, Ngế pro xiâm hnê ngăn kong têa Kŏng hòa Mozambique, jâ Võ Thị Ánh Xuân, Kăn xiâm phŏ hnê ngăn tơnêi têa rơtế ƀă mâu kăn xiâm Việt Nam lăm pôu kong têa Cộng hòa Mozambique sap hâi lơ 10-13/9/2023.
Kơxo hâi lơ 11/9/2023 (tiô chôu kong têa), a Tíu pêi cheăng dêi Ngế pro xiâm hnê ngăn kong têa, péa ngế kăn xiâm hiăng tơpui tơno hên mâu tơdroăng tung loi nhoăm dêi rơpó. Jâ Võ Thị Ánh Xuân, Kăn xiâm phŏ hnê ngăn tơnêi têa tối Việt Nam đi đo nhoăm tơrŭm cheăng tiah hmâ sap nah ƀă Mozambique, ‘nâi nhên Mozambique cho môi tung mâu kong têa tơrŭm cheăng ki kal dêi Việt Nam a châu Phi.
Péa ngế kăn pơtối tơpui tơno, trâm mâ rêm râ kăn, malối cho râ kăn xiâm ƀă a tâi tâng mâu ƀâng dêi Đảng, Tơnêi têa ƀă Kuô̆k hô̆i. Péa pâ vâ môi tuăn pơtối ngăn tơdroăng pêi chiâk, tá păn ká xi xŏng cho tơdroăng tơrŭm cheăng ki kal vâ veăng pro tơniăn tơmeăm rôe ‘măn ƀă pro tơniăn kế kâ tung lâp plâi tơnêi.
Viết bình luận