A rôh tơdah, kăn xiâm phŏ hnê ngăn tơnêi têa mơnhên tối khât tơrŭm cheăng Việt Nam – Nhuk tung 50 hơnăm hdrối nah ôh tá lâi pơtê ‘mâi mơnhông, mơdêk kơhnâ ƀă rế hía rế tơrŭm trâu hngế. Kăn xiâm phŏ hnê ngăn tơnêi têa rơhêng vâ Khu chêh hlá tơbeăng Thŏng tâ̆n Kyodo ƀă Thŏng tâ̆n xah Viẹt Nam hơ’lêh nếo túa chêh ƀă tơdroăng ki kal tơrŭm má môi cho drêng rôh hơ’lêh kân ‘na kơmăi kơmok mơnhông rế hía rế rơdêi.

Rơhêng vâ Khu chêh hlá tơbeăng Thŏng tâ̆n Kyodo kô rế hía rế tơbleăng tơdroăng kal hên tâ ‘na um, tơnêi têa kuăn mơngế Việt Nam; mâu troăng hơlâ dêi Đảng, Tơnêi têa Việt Nam vâ kuăn pơlê Nhuk xuân môi tiah mâu vâi pú kong têa ê hlê nhên tâ ‘na troăng hơlâ dêi Việt Nam, ing mê tơ’mot hên khu ‘no liăn cheăng Nhuk ƀă kong têa ê troh Việt Nam.