VOV4.Xơ Đăng - Drêng troh leh tơbâ 75 hơnăm hâi mố đô̆i rong râ hlâ hía lơ 27/7, kơxo lơ 6/7, a tíu pêi cheăng dêi kăn xiâm hnê ngăn tơnêi têa, jâ Võ Thị Ánh Xuân, Ngế xiâm phŏ hnê ngăn tơnêi têa trâm mâ khu mâu ngế ai hnoăng tơnêi  têa a  kong pơlê Bắc Kạn. Tơpui tơno ƀă khu mâu ngế ai hnoăng, jâ Võ Thị Ánh Xuân khĕn kơdeăn kong pơlê Bắc Kạn mơhé trâm hên xơpá la đi đo pêi tro hnoăng cheăng pâ mâu ai hnoăng, pêi pro tơdroăng tŏng kum rêh ối pơlê pơla dêi kong pơlê, mơhnhôk tâi tâng kuăn pơlê veăng liăn tơmeăm khoăng vâ tŏng kum mâu ngế ai hnoăng tơnêi têa.

Jâ Võ Thị Ánh Xuân, Kăn xiâm phŏ hnê ngăn tơnêi têa tơdah khu mâu ngế ai hnoăng kong pơlê Bắc Kạn

Kăn xiâm phŏ hnê ngăn tơnêi têa pâ thế kong pơlê Bắc Kạn pơtối rak vế mâu tơdroăng hiăng châ pêi pro tung hơnăm hdrối mê hía nah; mơ-eăm hnê tối trâu rơdâ, hnê kuăn pơlê pâ nhoăm tơnêi têa hnê kring vế pơlê pơla tơnêi têa, pâ mâu ngế ai hnoăng tơnêi têa tung mâu hơnăm nốkố; séa ngăn nếo tơdroăng rêh ối dêi mâu ngế ai hnoăng tơnêi têa tung kong pơlê vâ ‘nâi tơdroăng rêh ối, tơdroăng cheăng pêi, ivá pêi lo kế tơmeăm liăn ngân vâ pâ Tíu xiâm tơnêi têa, tŏng kum ăm mâu ngế ai hnoăng tơnêi têa teăm tơdrêng.

Gương tơplôu ƀă tơbleăng