Pơla hơnăm 2020 – 2023, mâu tơdroăng tơ’noăng dêi mâu vâi o đô̆i viên, mâu vâi o phô̆m vâ xông kân kong pơlê Bình Dương mơnhông rơdêi, pêi châ hên tơdroăng tơƀrê môi tiah: tơdroăng “Rơpâu tơdroăng ‘ló”, tơdroăng “Túa pơkâ kŭn”, tơdroăng “Trần Quốc Toản”.

Kăn xiâm phŏ hnê ngăn tơnêi têa xup um rơtế ƀă mâu vâi muăn ki loi Pôa Hồ kong pơlê Bình Dương

Klêi kơ’nâi mê hiăng ai vâ chê 500 rơpâu ngế đô̆i viên, mâu phô̆m vâ xông kân tung lâp kong pơlê châ khĕn kơdeăn Inâi Muăn loi Pôa Hồ. Kăn xiâm phŏ hnê ngăn tơnêi têa tối rơdêi, mơnê Đảng, Tơnêi têa ƀă kuăn pơlê pin đi đo kum hiâm mơno, tơdroăng ki tơmâng ngăn ƀă hnoăng cheăng rak ngăn, rak vế ƀă hnê hriâm ăm mâu phô̆m vâ xông kân, mâu vâi hdrêng, đi đo pro tơ’lêi hlâu ăm mâu vâi o ai tơdroăng hriâm tâp, hriâm mâu tơdroăng ki rơkê, hriâm pât ivá khên tơnôu, mơjiâng túa rêh ối lĕm tro, chiâng kuăn pơlê ki lĕm drêng mâu vâi kân.