Tối rơrêk châ trâm mâu kăn teăng mâ mơngế ai hnoăng ki má môi, jâ Võ Thị Ánh Xuân tối nhên, tung pơla kố nah, Đảng, Tơnêi têa mơnhên, tơdroăng rak ngăn ăm mơngế ai hnoăng ƀă kăch măng cho hnoăng cheăng kal kí ki kal; đi đo tơmâng tŏng kum, kơjo ki má môi ăm tơdroăng rak ngăn mơngế ai hnoăng ƀă kăch măng.

Kăn xiâm phŏ hnê ngăn tơnêi têa pơkâ thế kong pơlê An Giang pơtối mơnhông mơdêk ivá ƀă hbrâ ivá pakong vâ pêi pro tro mâu hnoăng cheăng kal kí ki Pơkâ Hneăng hôp má XI Đảng ƀô̆ kong pơlê pơkâ, mơnhông tơtro cheăng kâ, hnê hriâm ƀă hnê mơjiâng tuăn ngôa rơkê, khôi túa lĕm tro vâ tơdroăng rêh ối kuăn pơlê phâi hơtô, hơniâp lĕm, châ pơxúa mâu tơdroăng châ tơƀrê mơnhông dêi tơnêi têa, kong pơlê.