Jâ Võ Thị Ánh Xuân, Kăn xiâm phŏ hnê ngăn tơnêi têa veăng leh tơbâ 50 hơnăm tơrŭm cheăng tơpui kâ Việt Nam – Singapore
Thứ tư, 14:00, 02/08/2023
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - Kơmăng lơ 01/08, Leh tơbâ 50 hơnăm hâi mơjiâng tơrŭm cheăng tơpui kâ ƀă kong têa ê, 10 hơnăm tơrŭm cheăng ton xŏn Việt Nam – Singapore ƀă leh tơbâ hâi mơjiâng kong têa Singapore hiăng tơkŭm po kân krip a Hà Nội.
Troh veăng leh ai jâ Võ Thị Ánh Xuân, kăn pơkuâ mâu khu xiâm kơvâ cheăng tơnêi têa rơtế kăn teăng mâ Khu tơrŭm nhŏng o Khu tơrŭm nhŏng o Việt Nam – Singapore. A Leh tơbâ, mâu kăn teăng mâ hiăng rơtế dêi pó vêh tơbâ troăng tơrŭm plâ 50 hơnăm pơla Việt Nam ƀă Singapore.
Klêi kơ’nâi 50 hơnăm, troh nôkố, tơrŭm cheăng péa tơnêi têa rế hía rế thăm krá tơniăn ƀă hên tung kơvâ cheăng. Tơrŭm cheăng tê mơdró ƀă mơ’no liăn cheăng hiăng châ mâu tơdroăng châ tơƀrê hên. Xông tơpui a leh tơbâ, jâ Võ Thị Ánh Xuân mơnhên tối: Kô chiâng tối tơrŭm cheăng Việt Nam – Singapore cho môi troăng pêi châ tơƀrê, tá tơrŭm cheăng pơla péa pâ, hên pâ. Tơdroăng ki tá hiâm mơno loi tơngah pro xiâm kối vâ mơdêk tơrŭm cheăng trâu hơngế, păng ‘nâng tung hên kơvâ cheăng.
Viết bình luận