Tơbleăng a rôh leh tơbâ, jâ Võ Thị Ánh Xuân, Kăn xiâm phŏ hnê ngăn tơnêi têa  tơmâng xo ƀă khĕn kơdeăn mâu hnoăng veăng ‘no, hnoăng cheăng ki Đảng ƀô̆, mâu kăn ƀă kuăn pơlê mâu hdroâng kuăn ngo tung kong pơlê Hòa Bình tối tơdjuôm ƀă tơring Kim Bôi tối krê hiăng pêi châ tơƀrê tung mâu hơnăm hdrối.

Kăn xiâm phŏ hnê ngăn tơnêi têa tối nhên, nôkố, lâp tơnêi têa dế tơkŭm pêi mâu tơdroăng tơƀrê tiô pơkâ hneăng hôp 13, hbrâ vâ hôp mâu kăn tung lâp tơnêi têa rôh má 14 dêi Đảng - môi hneăng hôp ai pơxúa kal khât môi tiah tung tơdroăng tơbleăng mơgêi Hneăng hôp xiâm tơnêi têa má 10 kố nah, hlối hbrâ tŭm tơdroăng vâ tơkŭm po klêi Hneăng hôp đảng ƀô̆ kong pơlê rôh má 18, pơkâ hneăng cheăng, troăng rơhlâ mơnhông rĕng, krá tơniăn, mơjiâng kong pơlê Hoà Bình rĕng xông tơƀrê, cho dêi khu pơkuâ djâ kơpong tơbăng kong ngo ƀă kong ngo peăng Kơnhŏng.