Kheăn kơdeăn mâu tơdroăng châ tơƀrê ki Trung đoân Kan sát cơ đô̆ng Tây Nguyên châ tơƀrê tung mâu kơvâ, jâ Võ Thị Ánh Xuân, Phŏ kăn xiâm hnê ngăn tơnêi têa pơkâ thế Trung đoân pơtối mơnhông khôi túa vâi krâ nah tíu cheăng Ngế khên tơnôu, păng ‘nâng môi hiâm mơno ƀă Đảng, Tơnêi têa ƀă kuăn pơlê, tơrŭm môi tuăn ƀă pêi pro. Tơkŭm mơjiâng khu Kan sát cơ đô̆ng ‘’Cho krúa lĕm păng ‘nâng, krá tơniăn ó rơdêi, chính quy, ƀeăn ƀĕng, tiô rơxông nếo tơxâng pơkâ hnoăng cheăng tung rơxông nếo’’.

Pêi lĕm tro tơdroăng hnê hriâm kal kí tuăn hiâm tơmiât, hnê hriâm tiô khôi vâi krâ nah, pêi pro châ tơƀrê 6 tơdroăng Pôa Hồ hnê Kŏng an kuăn pơlê, thăm hriâm tâp, pơtâp tŭm tơdroăng vâ pro krá tơniăn tơdroăng khên tơnôu kal kí krá tơniăn, hiâm mơno môi tuăn păng ‘nâng ƀă Đảng, ƀă Tơnêi têa ƀă tâi hiâm mơno gum kuăn pơlê. Thăm veăng mơnhông cheăng kâ rêh ối pơlê pơla, tơniăn tăng cheăng pêi ăm pơlê pơla, môi tuăn pêi pro mâu tơdroăng xut tah hngêi pơtân hngêi xi kơchoh a kong pơlê, ki má lối cho mâu kơpong kuăn pơlê hdroâng kuăn ngo.