Tiah mê, kơlo liăn gum roê tơmeăm cho 500 rơpâu liăn tung môi ngế ƀă kăn ƀô̆, kong chưk, viên chưk, khu lêng kring vế, ngế ki ai hnoăng ƀă mâu ngế ki châ tơnêi têa tŏng gum pơlê pơla, kơlo gum cho 1,3 rơtal liăn tung môi ngế cho gum ăm Nôu Việt Nam khên tơnôu, mâu ngoh ki hiăng hlâ cho khu lêng kring vế, mố đô̆i tro rong, mố đô̆i châi tamo. Pakĭng mê, 138 to kơ koan, tíu pêi cheăng ‘na lêng, kŏng an, khu ki rak ngăn loăng pơlái kô tơdah xo tơmeăm kơnâ ing 3 – 7 rơtuh liăn.

Kăn pơkuâ kong pơlê kô lăm pôu ƀă diâp 54 kơxuô tơmeăm ăm ngế ki ai hnoăng ƀă mâu kơ koan, tíu pêi cheăng a kong pơlê. Drêng kố, Vi ƀan Măt trâ̆n Tơnêi têa Việt Nam ƀă Khu lo tĭng veăng kong pơlê kô mơhnhôk tơ’nôm liăn vâ gum mâu rơpŏng kơtiê ƀă rơpŏng ki xơpá a kơpong hơngế hngo, rak vế tơniăn ăm rêm ngế kuăn pơlê pơrá ai Têt hơniâp, hơtôu.