A hôp tơpui tơno, péa pâ môi tuăn pơtối thăm tơpui tơno, thăm pro loi tơngah kal kí, mơdêk trâm mâ, tơpui tơno khu a mâu râ ƀă tung mâu ƀâng, mơjiâng tơdroăng ki tơrŭm cheăng pơla péa pâ mơnhông tâi tâng, ki má lối cho tung kơvâ cheăng kâ - tê mơdró, mơ’no liăn cheăng, on tơhrik – têa châu têa kơxăng, hnê hriâm – hnê mơjiâng, khôi túa lĕm tro, ôm hyô, khoa hok – kŏng ngê̆ ƀă tơrŭm cheăng kong pơlê.

Péa pâ xuân tơpui tơno ‘na mâu tơdroăng lâp plâi tơnêi ƀă kơpong rơtế tơmâng, tơrŭm cheăng tung mâu hneăng hôp tơpui tơno lâp plâi tơnêi; mơnhên pơtối tơrŭm krá tơniăn, tŏng gum dêi pó a mâu hneăng hôp tơpui tơno hên pâ. Pôa Phạm Minh Chính, Ngế pro xiâm hnê ngăn tơnêi têa pơkâ thế peăng kong têa Rusi tŏng gum tơdroăng tơniăn gâk kring, tơniăn lĕm ‘na pơto tơmeăm troăng têa kơxĭ ƀă a rơvâ plêng a Biển Đông, tơleăng mâu tơdroăng tơxup tơbriêt ƀă troăng hơniâp lĕm ing tiô luât lâp plâi tơnêi ƀă Hiến chương Khu lâp kong têa, ki má lối cho UNCLOS 1982.