A roh tơdah, pôa Tô Lâm, Kăn xiâm pơkuâ hnê cheăng Đảng  tối Việt Nam đi đo chôu pâ ki veăng kum kơnía git ki kuăn pơlê Liên Xô, kuăn pơlê Rusi hiăng ‘măn ăm Việt Nam tung mâu khế hơnăm tơplâ tơplong pá puât, xuân môi tiah tung tơdroăng mơjiâng ƀă kring vế Tơnêi têa; tối Việt Nam malối nhoăm tơrŭm cheăng tiah hmâ, tơrŭm cheăng tung tŭm tơdroăng pơla Rusi, ngăn Rusi cho kong têa tơrŭm ƀă ki kal má môi tung luât pơkâ tơpui kâ dêi Việt Nam.

Pôa Tô Lâm, Kăn xiâm pơkuâ hnê cheăng Đảng hiăng tối mâu troăng hơlâ ki kân vâ pơtối pêi trâu tâ nếo tơrŭm cheăng pơla Việt Nam - Kong têa Rusi tung la ngiâ. Péa ngế kăn vâ môi tuăn ‘na môi troăng hơlâ ki kân vâ pro trâu tâ nếo tơrŭm cheăng tiah hmâ ƀă tơrŭm  tung tŭm tơdroăng pơla Việt Nam - kong têa Rusi.