VOV4.Xơ Đăng - Tâi tâng tơnêi pêi chiâk pêi deăng lối 500.000 ha [ă khu kơpôu ro, chu í ai lối 700.000 to, xuân ai hyôh kong prâi, tơnêi tíu tơniăn le\m. Gia Lai tơ’lêi ai tơdroăng ki hlâu vâ mơnhông ‘na kơvâ pêi chiâk deăng. Kơvâ ngăn ‘na chiâk deăng xuân cho hnoăng cheăng ki dế châ kong pơlê Gia Lai to\ng kum tơ’lêi hlâu vâ tơ’mot khu mơdró kâ. A roh hôp thế mơhnhôk khu mơdró kâ ‘no liăn cheăng hơnăm 2022 kong pơlê Gia Lai nếo po a hâi lơ 21/5 pơla hdrối kố nah, pôa Võ Ngọc Thành, Kăn hnê ngăn Vi [an kong pơlê Gia Lai vêh mơnhên tối: Kong pơlê hiăng pro tơ’lêi hlâu vâ khu mơdró kâ mơ’no liăn cheăng kum ‘na kơvâ chiâk deăng, ngế chêh hlá tơbeăng cheăng tung Rơ’jíu Việt Nam kơpong Tây Nguyên ai êng pôa Võ Ngọc Thành, Kăn hnê ngăn Vi [an kong pơlê Gia Lai ‘na tơdroăng mê.

-Ô pôa, pơla hdrối kố nah, kong pơlê hiăng ai mâu hnoăng cheăng ki tiah lâi vâ tơ’mot khu mơdró kâ kum kơvâ pêi chiâk deăng?        

Pôa Võ Ngọc Thành: {ă tơdroăng ki ai hlâu ‘na tơnêi tíu, hyôh kong prâi, mê mâu hơnăm hdrối mê hía nah, mâu troăng hơlâ ki pơkâ ‘na mơnhông mơdêk pêi chiâk pêi deăng xúa kơmăi kơmok chal nếo, kơmăi uâ mơdiê, mơjiâng kế tơmeăm pê lo ing chiâk deăng mê Gia Lai hiăng ai hên tơdroăng ki hơ’lêh rơdêi ‘nâng vâ tơ’mot tơdroăng to\ng kum dêi mâu khu mơdró kâ mơ’no liăn cheăng [ă mâu Grup pơkuâ cheăng ki kân môi tiah Doveco, Trường Hải, Hòang Anh Gia Lai xuân dế tơku\m tung mâu kơvâ cheăng ‘no liăn kum ‘na chiâk deăng. Mâu khu mơdró kâ hiăng pơxiâm pơkâ mơ’no mâu túa cheăng kâ, ngin hlo tơdroăng cheăng kố hiăng [lêi chiâng khât, hiăng mơjiâng ivá ki ó rơdêi [ă mâu khu ki mơ’no liăn kum cheăng; tơdrêng amê, mơjiâng chiâng tơdroăng ki hơ’lêh hên tung rah mâu hdrê loăng pêt tung kong pơlê, mơjiâng mâu [ăng chiâk deăng pêt mơjiâng hên kế tơmeăm. Tung mê, hiăng mơjiâng troăng ki tơru\m cheăng, uâ mơdiê, tê mơdró, pro ăm tơdroăng pêi chiâk deăng kong pơlê Gia Lai apoăng ai tơdroăng ki hơ’lêh phá tơ-ê, ó rơdêi. Tâng vâ riân ngăn tơdroăng ki pêi lo kế tơmeăm dêi kuăn pơlê xuân hiăng châ tơtêk hên; ngiâ méa thôn pơlê xuân hiăng châ ‘mâi mơnhông, veăng kum tơxâng khât ăm tơdroăng mơjiâng thôn pơlê nếo a mâu pơlê cheăm tung kong pơlê ngin.       

Pôa Võ Ngọc Thành, Kăn hnê ngăn kong pơlê Gia Lai

-Pơla hdrối kố nah, Khu kăn pơkuâ hnê ngăn Đảng [ă Vi [an hnê ngăn kong pơlê Gia Lai hiăng mơjiâng tơ’nôm mâu tơdroăng ki ai pơxúa ki klâi vâ tơ’mot khu mơdró kâ kân, khu mơdró kâ kong têa ê mơ’no liăn cheăng ‘na kơvâ chiâk deăng ô pôa?

Pôa Võ Ngọc Thành: Tơdroăng Pơkâ Đảng [o# kong pơlê roh má 15 hiăng mơ’no 4 tơdroăng cheăng [ă kơ’nâi mê hiăng mơjiâng tơ’nôm môi tơdroăng cheăng ki kal mê cho 5 tơdroăng cheăng. Ngin hlo tiah kố, kố cho troăng hơlâ ki kal xiâm vâ thăm mơdêk ăm kơvâ tung mơnhông pêi cheăng kâ [ă xuân cho vâ ai troăng prôk kum Vi [an hnê ngăn kong pơlê Gia Lai mơjiâng mâu troăng pơkâ, hnối pêi pro tiô tơdroăng pơkâ kố. Tơdroăng pơkâ má môi ‘na mơjiâng mơngế pêi cheăng [ă mâu troăng hơlâ cheăng kal kí a rêm râ vâ tơniăn totro tiô hnoăng cheăng ki nếo. Tơdroăng pơkâ má péa cho ‘na mơjiâng hngêi trăng, troăng klông tơdrêng, tơ’mô vâ kum ăm mơnhông pêi chiâk pêi deăng. Tơdroăng pơkâ má pái, cho thăm mơdêk tơ’mô mâu ivá cheăng, liăn ngân ăm tơdroăng pêi chiâk deăng xúa kơmăi chal nếo, kơmăi uâ mơdiê, mơjiâng tơmeăm, on tơhrik kơtâu [ă tô trâ mâ hâi, hyôh khía pê [ă tơdroăng ôm hyô troh a hơnăm 2030 (Tơdroăng pơkâ 07-NQ/TU hâi lơ 20/2/2022). Tơdroăng pơkâ má 4 ‘na mơnhông cheăng kâ krúa, tơ’lêi, pơkuâ ngăn [ă mơnhông rak ngăn kong, thăm pêt mơjiâng kong i hên hnối mơjiâng cheăng pêi ăm kuăn pơlê pêi pêt mâu tơmeăm tung kong loăng mê. Tơdroăng pơkâ má 5 nếo mơ’no ‘na hơ’lêh cheăng kơxo#. Dế nôkố, kong pơlê hiăng mơ’no mâu tơdroăng ki vâ pêi pro, ing mê kô mơjiâng mâu troăng hơlâ ki tơtro [ă tơdroăng ki mơ’no liăn cheăng, mơnhông mơdêk xuân môi tiah mâu troăng hơlâ vâ krếo thế mâu khu mơdró kâ veăng mơ’no liăn vâ mơ’no liăn cheăng tung kong pơlê kố.

Kơphế cho môi tung mâu kế tơmeăm chiâk deăng xiâm a kong pơlê Gia Lai

-Vâ kơvâ pêi chiâk pêi deăng a Tây Nguyên, tung mê, ai ‘na tơdroăng cheăng chiâk deăng dêi kong pơlê Gia Lai mơnhông tơxâng [ă tơmeăm khoăng ki ai hlâu, kong pơlê pói rơhêng vâ, ai pâ thế ki klâi ịng to\ng kum dêi tơnêi têa, ô pôa?

Pôa Võ Ngọc Thành: Á tơmiât tơdroăng ki hơ’lêh túa pêi chiâk pêi deăng, hơ’lêh pêt mâu hdrê loăng pêt ing pa mâ hâi lu peăng Hdroh troh a Tây Nguyên cho môi tung mâu hnoăng cheăng vâ pêi pro a la ngiâ. La pro tiah lâi, vâ pin hlê ple\ng hdrối, mê mâu kong pơlê xuân dế hriăn tơmiât troăng prôk dêi tơná vâ kơ tơru\m cheăng pơla mâu kơpong ăm i tơ’lêi. Á tơmiât, la ngiâ, Khu xiâm ngăn cheăng kal kí dế hbrâ mơgêi tơdroăng pơkâ kơxo# 10 [ă 12 dêi Khu xiâm ngăn cheăng kal kí, tơdrêng amê, mơjiâng troăng hơlâ vâ mơnhông ăm kơpong Tây Nguyên. Á pói rơhêng vâ Tơdroăng pơkâ kố kô mơjiâng troăng prôk ki nếo, ngin kô hbrâ hriăn ple\ng, veăng pêi pro tu\m têk a Tơdroăng pơkâ kố. Pro tiah lâi vâ Tây Nguyên ai troăng prôk ki nếo ki krá tơniăn, ó rơdêi tâ tung la ngiâ, vâ ing mê, pơtối mơdêk ivá ki ó rơdêi ki Tây Nguyên hiăng ai xêh hlâu. Ki má péa, kal ai troăng hơlâ krê ăm kơpong Tây Nguyên. {ă á pói tơngah tiah kố, Tơdroăng pơkâ dêi Khu xiâm pơkuâ hnê ngăn Đảng tơnêi têa la ngiâ kô ai troăng hơlâ ki tơtro ăm kơpong Tây Nguyên, môi tiah tơdroăng ki nếo pơkâ mơ’no ăm kơpong pa mâ hâi lu peăng Hdroh, kô ai troăng prôk ăm Tây Nguyên vâ rế kâi mơnhông a la ngiâ.

-Hôm, mơnê kơ pôa!

Nguyễn Thảo - Hoàng Qui/VOV Tây Nguyên

Nhat Lisa tơplôu ƀă tơbleăng