Klêi hmâng mâu rơkong tơpui tối, pâ thế, peăng Kŏng ti Tơlo liăn cheăng Kơphế Thắng Lợi, teăng mâ kăn pơkuâ kong pơlê, mâu khu râ, kơvâ cheăng ki ai tơdjâk troh hiăng tiâ nhên tơrêm tơdroăng ki pâ thế, tơpui tối hleăng nhên mâu pơkâ dêi luât tơdjâk troh tơnêi, tơkêa tơdah xo tơnêi ƀă xing xoăng, hơ’lêh nếo mâu kŏng ti pêi chiâk, pêt kong.

Laga, mâu rơpŏng ki tơdah xo pêi tối tiah kố mâu rơkong tiâ tá hâi tơtro kal ai tơdroăng ki tŏng kum dêi Khu séa ngăn Chin phuh vâ pơkâ tơleăng mâu tơdroăng ki tá hâi môi tuăn pơla kuăn pơlê ƀă kŏng ti.

Mơgêi rôh hôp tơpui, pôa Phạm Ngọc Nghị, Kăn phŏ pơkuâ ngăn Đảng, Kăn hnê ngăn Vi ƀan kong pơlê tơmâng xo mâu tơdroăng tơpui tối pâ thế, mâu rơpŏng ki tơdah xo pêi dêi Kŏng ti kơphế Thắng Lợi tơpui tối pâ thế, mơ’no tơdrêng amê hlối ăm ‘nâi hiăng ai hlá mơ-éa pâ thế Khu séa ngăn Chin phuh pêi pro séa ngăn tâi tâng Kŏng ti tơlo liăn kơphế Thắng Lợi.