Môi tung mâu tơdroăng ki kal châ kuăn pơlê vâ ‘nâi nôkố cho tơdroăng ki xiăn pâm a hngêi trung hriâm. Tơpui ƀă ngế xiâm ngăn hnê hriâm ƀă hnê mơjiâng tuăn ngoâ rơkê ‘na tơdroăng kố, jâ Nguyễn Thị Xuân ăm ‘nâi: rêm hơnăm hriâm lâp tơnêi têa hiăng ai lối 1.500 rôh tơxiăn tơpâm a hngêi trung hriâm tung ƀă pa gong hngêi trung; hmâ hlo tung 5.200 ngế hok tro mê ai 1 ngế hok tro xiăn pâm dêi rơpó.

Jâ Nguyễn Thị Xuân pơkâ thế Chin phuh kal tơmâng ngăn tâ nếo troh tơdroăng kố. Pôa Nguyễn Kim Sơn, Ngế xiâm ngăn hnê hriâm ƀă hnê mơjiâng tuăn ngoâ rơkê tối nhên, tơdroăng ki kal tung mơjiâng tơdroăng xiâm rêi vâ pơkâ tơleăng tơdroăng kố mê cho tơbleăng tro Tơdroăng hnê hriâm phôh thong 2018 ƀă ki xiâm mơjiâng kuăn mơngế, mơdêk túa rêh ối lĕm dêi kuăn mơngế Việt Nam.

Kal athế mơdêk tơdroăng pơxâu phâk mâu tơdroăng ki ai ƀă tơná ngế hok tro. Kal mơdêk ki hnê hriâm ‘na mâu tơdroăng ki pơkâ tơleăng mâu tơdroăng ki trâm ƀă hok tro. La ngiâ ah, kô ai tơ’nôm môi tíu cheăng hmâ tiâ mơnhên hiâm mơno a hngêi trung hriâm.