A rôh trâm mâ a mâu cheăm Dak Ru, tơring Dak Rlâp, cheăm Dak R’tih (tơring Tuy Đức), cheăm Dak Ha, tơring Dak Glong ƀă cheăm Dak Drô, tơring Krông Nô, mâu kăn Kuô̆k hô̆i hiăng tơbleăng ăm kuăn pơlê Dak Nông ‘na tơdroăng kal, tơdroăng dêi rôh hôp má 6, Kuô̆k hô̆i hneăng 15.

Klêi mê, tơmâng mâu tơdroăng veăng hnê tối dêi kuăn pơlê hdrối rôh hôp. Kuăn pơlê a mâu cheăm tơring tung kong pơlê Dak Nông hiăng tối hên tơdroăng ki u ối, ki hên tung kơvâ troăng prôk, pơkâ hdró tơnêi, pro hlá mơ-éa ‘na hnoăng xúa tơnei. Kuăn pơlê pâ thế tơnêi têa tơmâng ‘no liăn pro troăng prôk tung thôn, tăng teăng pêi ăm kuăn ‘nĕng hdroâng kuăn ngo, séa ngăn tơdroăng nâp liăn hriâm apoăng hơnăm ƀă hên ki ê.

Hên kuăn pơlê tối púi vâ ƀă môi tuăn tơdroăng mê vâ rĕng tơmeăm tơdroăng tơkêa bro pro troăng kân tơdrăng lĕm Chơn Thành (Bình Phước) - Gia nghiã (Dak Nông) veăng pro ki xiâm mơnhông cheăng kâ rêh ối.