Tung mâu hơnăm hdrối mê hía nah, tơdroăng mơngế xôi ‘na ma tŭi xuân u ối rơ-iô tung tâi tâng mâu troăng xiâm: troăng Peăng mâ hâi lo ‘na kơnhŏng, mâ hâi Lu ‘na kơnhŏng, peăng Kơnhŏng tơdế tơnêi têa - Tây Nguyên, Peăng mâ hâi Lu ‘na Hdroh tơnêi têa, troăng têa kơxĭ, troăng tơƀai.

Ing mâu tơdroăng cheăng tí tăng ‘nâi plĕng, tơmâng pêi nhên khât a mâu tơdroăng cheăng tung tơplâ mơdât mâu khu ki tê mơdró ma tŭi, chơ hmâ vâ ma tŭi tơkâ luâ tơnêi têa, pơla mâu troăng kân, troăng vâ mot pơla mâu kong pơlê, khu kăn sát plâ mơdât ‘na ma tŭi hiăng séa ngăn, tí tăng ‘nâi hên ‘na rôh ma tŭi kơxô̆ ki hên. Tối tơbleăng a rôh leh, Ngế pro xiâm phŏ hnê ngăn Trần Lưu Quang rơkâu mâu lêng ki ai hnoăng kân tung tơdroăng cheăng dêi Kăn sát plâ mơdât ma tŭi hiăng pêi châ tơƀrê tung pơla hdrối mê hía nah.

Ngế pro xiâm phŏ hnê ngăn tơnêi têa pơkâ thế khu lêng kăn sát plâ mơdât ma tŭi pêi tro hnoăng cheăng tí tăng ‘nâi plĕng, hnê mơhno Vi ƀan hnê ngăn râ kong pơlê tối tơbleăng ăm Hô̆i đong hnê ngăn kuăn pơlê pơkâ luât tŏng kum liăn ăm tơdroăng cheăng plâ mơdât ma tŭi.