Drêng Kong têa Kul mơjiâng Kuô̆k hô̆i hneăng má 7 ƀă Chin phuh hneăng 7 (2023-2028), pôa Phạm Minh Chính, Ngế pro xiâm hnê ngăn Chin phuh hiăng pơtroh kơthô rơkâu pôa Hun Manet, Ngế pro xiâm hnê ngăn; pôa Vương Đình Huệ, Kăn xiâm hnê ngăn Kuô̆k hô̆i hiăng pơtroh kơthô rơkâu pôa Khuon Sodary, Kăn xiâm hnê ngăn Kuô̆k hô̆i.

Tung Kơthô rơkâu, Kăn xiâm pơkuâ Việt Nam tối tơngah xua tơdroăng pơkuâ dêi Ngế pro xiâm hnê ngăn prế kăn xiâm hnê ngăn Kuô̆k hô̆i ki nếo, Kul kô pơtối châ ƀlêi chiâng hên mâu tơdroăng cheăng ki kân tungmơjiâng tơnêi têa hơniâp lĕm, tơniăn ƀă mơnhông kro mơdrŏng, ai hnoăng cheăng rế hía rế kân a kơpong ƀă tung lâp plâi tơnêi.

Kăn xiâm pơkuâ Việt Nam xuân tơngah tiah kố tung la ngiâ tơrŭm cheăng tơnêi têa ki a chê tơniăn lĕm, tơrŭm tơroâ tiô khôi hmâ, tơrŭm tung tâi tâng kơvâ cheăng, krá ton pơla Việt Nam ƀă Kum kô pơtối châ ‘mâi mơnhông ƀă mơdêk, xua ki pơxúa dêi kuăn pơlê péa tơnêi têa, veăng kum kơhnâ ăm mâu kong têa ASEAN, xua hơniâp lĕm, tơniăn ƀă mơnhông dêi kơpong ƀă kong têa ê.