VOV4.Xơ Đăng - Kơxê lơ 22/4, pôa Marc Knapper, kăn teăng mâ ki nếo dêi Mih a Việt Nam troh koh hmât tơpui tơno ƀă pêi cheăng ƀă kăn pơkuâ pơlê kong kân Đà Nẵng. Pôa Marc Knapper mơnhên tối khât tơdroăng ki ‘no liăn cheăng dêi Đà Nẵng. Pôa Marc Knapper ăm ‘nâi hiăng mơjiâng tíu pêi cheăng Đà Nẵng Khu tơrŭm Tê mơdró Mih a Việt Nam. Ing Khu ki kố, tung la ngiâ ah kô ai hên khu ki ‘no liăn cheăng Mih troh Đà Nẵng tăng rôh vâ pêi cheăng kâ, xua Đà Nẵng cho tíu ôm hyô ki vâi ô eăng châ kong têa hâk vâ troh.

Pôa Marc Knapper, kăn teăng mâ Mih troh koh hmât tơpui tơno ƀă kăn pơkuâ Pơlê kong kân Đà Nẵng

Pơlê kong kân Đà Nẵng ai khu ki pêi cheăng châ hnê rơkê, ai kơno têa kơxĭ trâu, tơraih tơƀai kong têa ê ƀă hngêi trăng, troăng klông tơniăn lĕm tơ’mot khu ki vâ lăm ‘no liăn pêi cheăng. Pôa Marc Knapper tơhrâ kô mơdêk mâu khu ki ‘no liăn cheăng Mih troh ‘no liăn pêi cheăng, ôh ti xê to pro rôh tơlê ăm mâu khu mơdró kâ pêi cheăng kâ mê ối veăng kum ăm tơdroăng kro mơdrŏng tơdjuôm dêi kuăn pơlê Đà Nẵng.

Pôa Nguyễn Văn Quảng, kăn pơkuâ ngăn Đảng ủy Đà Nẵng pơkâ thế ƀă hnoăng cheăng dêi tơná, kăn teăng mâ Mih kô mơdêk tro tâ mâu tơdroăng tơrŭm cheăng pơla Khu tơrŭm mâu khu mơdró kâ Mih a Việt Nam ƀă pơlê kong kân Đà Nẵng.

Katarina Nga tơplôu [ă tơbleăng