Kăn teăng mâ Mih tơpui tơno tơdroăng tơrŭm cheăng ƀă Dak Lak
Thứ tư, 10:00, 06/12/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxo hâi lơ 5/12, Khu kăn Teăng mâ Mih a Pơlê kong kân Hồ Chí Minh hiăng pêi cheăng ƀă Kăn hnê ngăn Vi ƀan kong pơlê Dak Lak vâ tăng ‘nâi plĕng mâu tơdroăng cheăng ki 2 pâ vâ tơrŭm cheăng tung la ngiâ.
A rôh pêi cheăng, Kăn hnê ngăn kong pơlê Dak Lak ƀă Kăn teăng mâ Mih a Pơlê kong kân Hồ Chí Minh tối phiu ro ‘na mâu tơdroăng cheăng mơnhông tơƀrê lĕm tung tơrŭm cheăng pơla Việt Nam ƀă Mih kơ’nâi 28 hơnăm mơjiâng tơpui kâ, malối drêng péa tơnêi têa mơdêk tơrŭm cheăng tâk a râ ki kân tung tŭm tơdroăng xua vâ hơniâp lĕm, Tơrŭm ƀă mơnhông tơƀrê krá tơniăn.
Kong pơlê púi vâ Kăn teăng mâ Mih a Pơlê kong kân Hồ Chí Minh veăng tơmâng, tŏng kum tung tơdroăng tơbleăng mâu khu mơdró ƀă ‘no liăn cheăng troh tăng ‘nâi plĕng rôh vâ tơrŭm cheăng mơnhông cheăng kâ a kong pơlê Dak Lak.
Viết bình luận