VOV4.Xơ Đăng - Drêng troh leh tơbâ 132 hơnăm hâi kot mâ pôa Hồ Chí Minh (19/5/1890-19/5/2022), kơxo 19/5, khu Kăn xiâm Đảng, Tơnêi têa ƀă Vi ƀan xiâm Măt trâ̆n tơnêi têa Viẹt Nam hiăng troh ‘măn hơvĭng reăng, mot a hngêi ‘măn poăng Pôa Hồ Chí Minh ƀă chôu nhang tơbâ mâu ngế ki hlâ ai hnoăng tơnêi têa.

Kăn xiâm Đảng, Tơnêi têa mot a hngêi ‘măn poăng Pôa Hồ Chí Minh, Kăn xiâm hnê ngăn tơnêi têa ki apoăng

A ngiâ um pôa Hồ Chí Minh ki rơkê, mâu kăn hiăng tối mơnê hiâm mơno ki khíu pâ pá kâi tối, nhoăm kơ hnoăng ki kân dêi Hồ Chí Minh ƀă tơdroăng tơplâ pro tơbleăng lĕm hdroâng mơngế, lâp tơnêi têa tơrŭm môi, mơjiâng tơnêi têa Việt Nam xah hô̆i chuh ngiah  hơniâp lĕm, tơniăn, môi tuăn. Hơvĭng reăng dêi khu kăn ai chêh chư “Đi đo mơjo pâ kơ Pôa Hồ Chí Minh, Kăn xiâm hnê ngăn apoăng ki rơkê kơnía khât”.

Klêi mot a hngêi ‘măn poăng Pôa Hồ Chí Minh, mâu kăn hiăng troh ‘măn hơvĭng reăng, chôu nhang, tơbâ troh kơ mâu ngế ki hlâ ai hnoăng a um meăn chêh inâi mâu mô đô̆i ki hlâ tung roh tơplâ a troăng Bắc Sơn. Hơvĭng reăng dêi khu kăn ai chêh chư “Đi đo mơjo pâ kơ mâu ngế ki hlâ ai hnoăng tơnêi têa”.

Gương tơplôu ƀă tơbleăng