‘Na tơdroăng cheăng pêi tung la ngiâ, Khu kăn hnê mơhno pơkâ thế rêm râ khâu tơrŭm cheăng Đảng, kơ koan khu râ pơtối mơdêk hnoăng cheăng hbrâ mơdât kâ kơluâ, tơkŭm tơleăng mơnhên klêi mâu tơdroăng pêi hâi teăm klêi, mâu tơdroăng pêi ối ‘ro, mâu tơdroăng tơleăng, tơdroăng kâ kơluâ, tơdroăng xôi kân tâ, séa ngăn, tí tăng ngăn, riân ngăn liăn, mơnhên ngăn mâu tơdroăng, pơxâu phak kơtăng mâu ngế ki ai xôi tơdjâk troh mâu tơdroăng xôi mê, tơdroăng ki hlo pêi pro a Kŏng ti Việt Á,  Kŏng ti AIC, Grup FLC, Tân Hoàng Minh, Vạn Thinh Phát.

Mơ-eăm sap nôkố ta troh hơnăm 2023 mơgêi mơnhên, tơleăng pơxâu pâk 10 tơdroăng; pơkâ săm phoăng 5 tơdroăng; tơleăng 7 tơdroăng, tơleăng pơxâu phak 3 tơdroăng.