Kăn xiâm hnê ngăn Đảng Nguyễn Phú Trọng khĕn kơdeăn hneăng lăm pôu rôh kố dêi pôa Shii Kazuo tung hơnăm péa tơnêi têa tơbâ 50 hơnăm mơjiâng tơrŭm cheăng tơpui kâ, péa pâ nếo mơdêk râ tơrŭm  cheăng tung tŭm tơdroăng xua hơniâp lĕm ƀă kro mơdrŏng a châu Á ƀă tung lâp plâi tơnêi.

Kăn xiâm hnê ngăn Đảng loi khât hneăng lăm pôu kô veăng mơnhông tơrŭm cheăng pơla péa pâ, tiah hmâ ton nah ƀă tơrŭm môi tuăn dêi rơpó pơla péa Đảng ƀă mơdêk tơrŭm tơrôa pơla kuăn pơlê 2 tơnêi têa. Kăn xiâm hnê ngăn Đảng Kŏng sản Nhu Shii Kazuo khĕn kơdeăn  khât hnoăng cheăng pêi dêi Việt Nam tung kơpong, rơkâu mâu hnoăng cheăng hiăng châ pêi tơƀrê ‘na tơpui kâ ki Việt Nam châ tơpui rơhéa tung mâu hơnăm hdrối, loi khât Việt Nam kô pơtối ai mâu hnoăng veăng ‘no kân tâ ƀă tơdroăng pro hơniâp lĕm, tơniăn, tơrŭm ƀă mơnhông tơƀrê a kơpong ƀă tung lâp plâi tơnêi.