VOV4.Xơ Đăng - Kơxo lơ  27/4, drêng koh tơbâ 47 hơnăm hâi châ tơleăng lê̆m peăng Hdroh, lâp tơnêi têa tơrŭm chiâng môi (30/4/1975 - 30/4/2022),  kơxo lơ 27/4, Khu kăn xiâm Đảng, Tơnêi têa, Kuô̆k hô̆i, Chin phuh, Vi ƀan xiâm Măt trâ̆n tơnêi têa Việt Nam rơtế ƀă mâu kăn teăng mâ dêi mâu khu xiâm ƀă Pơlê kong kân Hà Nội hiăng pleăng hơv^ng reăng, mot a pôu ngăn a hngêi ‘măn poăng Pôa Hồ Chí Minh, Kăn xiâm hnê ngăn tơnêi têa ki apoăng. A ngiâ poăng pôa Hồ Chí Minh, Khu kăn hiăng mơhno hiâm mơno pâ mơnê pa kâi tối, nhoăm pâ troh hnoăng ki kân dêi Pôaƀă tơdroăng cheăng kăch măng dêi Đảng ƀă hdroâng kuăn ngo hdroâng mơngế pin. 

Pôa cho ngế hiăng pleăng plâ rơxông ăm kuăn pơlê, ăm tơnêi têa, chông djâ Đảng pin pêi pro tơ-ƀrê mâu tơdroăng. Hơv^ng reăng dêi khu kăn ai chêh chư:  ‘’Đi đo pâ mơnê Pôa Hồ Chí Minh, Kăn xiâm hnê ngăn apoăng ki rơkê’’. Pơtối mê, khu kăn hiăng troh pleăng hơv^ng reăng, chôu nhang tơbâ kơ mâu ngế tơplâ khên tơnôu ai hnoăng tơnêi têa a Tíu um meăn tơbâ inâi mâu lêng hlâ ai hnoăng rôh tơplâ troăng Bắc Sơn.

Gương tơplôu ƀă tơbleăng