Pôa Esteban Lazo Hernandez, Kăn xiâm hnê ngăn Kuô̆k hô̆i hiăng pleăng reăng a ngiâ um meăn Fidel Castro tung kơdrum Hngêi pơkeăng Tơrŭm pơla Việt Nam - Cuba a Đồng Hới, tơpui ƀă mâu ngế ki châi tamo ki dê ối pơlât a hngêi pơkeăng kố, lăm pôu ngăn Kơbong khăm pơlât vâi ‘nĕng ƀă hbru tơmeăm ăm mâu vâi hdrêng ki dế pơlât a hngêi pơkeăng.

Tơpui ƀă mâu ngế dế pơlât a hngêi pơleăng kố, Kăn xiâm hnê ngăn Kuô̆k hô̆i kong têa Cuba tối nếo hneăng lăm pôu dêi kăn xiâm Fidel Castro a kơpong plâ tơbleăng lĕm, mâu um méa tuăn mơno mơjo pâ pơtroh ăm Kuăn pơlê Việt Nam. Kăn xiâm hnê ngăn Kuô̆k hô̆i Cuba tối nhên, Hngêi pơkeăng tơrŭm pơla Việt Nam - Cuba  a Đồng Hới đi đo cho tơmeăm ki mơhno tơrŭm tơrôa, môi tuăn dêi rơpó pơla péa tơnêi têa Việt Nam - Cuba.