Troh pôu tíu xối tơbâ ton nah tơnêi têa Đôi bờ Hiền Lương- Bến Hải, Kăn xiâm hnê ngăn Kuô̆k hô̆i Kăn pơkuâ Kuăn pơlê Cuba rơtế ƀă Khu kăn xiâm Cuba hiăng tơpui ƀă mâu kăn ƀô̆, Kuăn pơlê kong pơlê, ngăn Hlá cơ Việt Nam kơneăng a um meăn Hiền Lương.

Tơpui ƀă mâu vâi muăn hok tro a tíu meăm Hiền Lương, Kăn xiâm hnê ngăn Kuô̆k hô̆i, Kăn pơkuâ Kuăn pơlê Cuba rơtế ƀă khu kăn xiâm Cuba hiăng hơ’muăn tơbâ ‘na rôh lăm pôu dêi Kăn pơkuâ Fidel Castro troh kơpong tơleăng lĕm Quảng Trị, pôu hên kơpong tơnêi kố xuân ối tâ hlo ai mâu tơdroăng tơplâ ƀă dêi pháu ƀă mâu ƀom.

Kăn xiâm hnê ngăn Kuô̆k hô̆i, Kăn pơkuâ Kuăn pơlê Cuba ‘măn xo mâu tơdroăng ki ƀriê dêi tơná ‘na rôh lăm pôu Quảng Trị rôh kố tung hlá mơ-éa chêh chôu vế a Tíu ‘măn rak kế tơmeăm Tíu xối tơbâ ton nah Tơnêi têa Đôi bờ Hiền Lương - Bến Hải.