VOV4.Xơ Đăng - Tung roh lăm pôu pêi cheăng Việt Nam, kơxê hâi lơ 22/6, Kăn xiâm hnê ngăn kong têa Mozambique ƀă Khu râ kăn teăng mâ xiâm Kuô̆k hô̆i Mozambique kheăn kơdeăn ‘na tơrŭm cheăng lĕm tro pơla Kuô̆k hô̆i péa tơnêi têa Việt Nam ƀă Mozambique ing Hlá mơ-éa chôu vế ‘na tơrŭm cheăng pơla Kuô̆k hô̆i Việt Nam ƀă Kuô̆k hô̆i kong têa Mozambique. ‘Na tơdroăng tơrŭm tung la ngiâ, pôa Lê Quang Mạnh, Kăn pơkuâ hnê ngăn cheăng Đảng pơlê kong kân Cần Thơ tối ăm ‘nâi hbrâ tối ăm dêi pó ki rơkê păn ká xi xŏng ƀă pêt tơmeăm khoăng, tơdroăng ki rơkê tung pêt mơjiâng tơmeăm, uâ mơdiê, mơdêk châ hên tơmeăm ƀă dâi lĕm dêi mâu tơmeăm pêi lo ing chiâk deăng, ká xi xŏng; Khu tơrŭm cheăng mơ’no liăn cheăng mơjiâng kơmăi kơmok kum tung pêt mơjiâng loăng plâi, mơnăn păn ƀă ká xi xŏng ki dâi lĕm, mơjiâng kơpong pêt báu ki dâi lĕm tiô troăng klâng kân, mơjiâng kơpong păn mơnăn mơnôa tơniăn ôh tá ai pơreăng, tơrŭm hnê dêi pó túa ki rơkê tung uâ mơdiê, rak vế tơmeăm khoăng pêi lo ing chiâk deăng, mơdêk ki kơnâ tơmeăm pêi lo ing chiâk deăng, tơrŭm tơpui tơno, tê tơmeăm pêi lo ing chiâk deăng.

A Sa Ly tơplôu ƀă tơbleăng