VOV4.Xơ Đăng - Khu kăn Kuô̆k hô̆i Mozambicque xua kăn xiâm Kuô̆k hô̆i pơkuâ djâ hiăng lăm troh a pơlê kong xiâm Hà Nội, pơxiâm lăm pôu tơnêi têa Việt Nam ing hâi lơ 18-23/6 tiô rơkong krếo thế dêi pôa Vương Đình Huệ, Kăn xiâm hnê ngăn Kuô̆k hô̆i. Hneăng lăm pôu Việt Nam dêi Kăn xiâm hnê ngăn Kuô̆k hô̆i rơtế ƀă khu kăn Kuô̆k hô̆i Mozambique vâ ‘mâi mơnhông ƀă mơdêk tâ nếo tơdroăng tơrŭm tiah hmâ ton nah ƀă tơrŭm hên tơdroăng pơla péa tơnêi têa.Pakĭng mê, thăm mơdêk tơrŭm pơla Kuô̆k hô̆i Việt Nam ƀă Kuô̆k hô̆i  Mozambique.

Kăn hnê ngăn Đảng ủy kong pơlê Quảng Ninh trâm mâ tơpui tơno ƀă Kăn xiâm hnê ngăn Kuô̆k hô̆i Mozambique

Hneăng lăm pôu Việt Nam, Khu kăn Kuô̆k hô̆i kong têa kŏng hòa Mozambique hiăng troh lăm pôu ƀă hlối pêi cheăng ƀă kong pơlê Quảng Ninh. Ƀă tơdroăng tơrŭm tiah hmâ pơla hên tơdroăng pơla péa tơnêi têa, Kăn xiâm hnê ngăn Kuô̆k hô̆i kŏng hòa Mozambique loi khât hneăng lăm pôu drêng kố kô mơdêk tâ nếo tơrŭm cheăng pơla Mozambique ƀă Việt Nam tối tơchoâm ƀă kong pơlê Quảng Ninh tối krê, malối cho tung tơdroăng pêi chiâk, xúa kơmăi kơmok hyôh Internet.

Gương tơplôu ƀă tơbleăng