VOV4.Xơ Đăng - Kơxê măng hâi lơ 12/5, pôa Vương Đình Huệ, Kăn xiâm hnê ngăn Kuô̆k hô̆i  tơdah Yăo sư Tiĕn sih Viêng Thoong Sỉ-phăn-đon, Kăn tơleăng dêi hngêi tơleăng xiâm kong têa Lếo lăm pôu Việt Nam. Kăn xiâm hnê ngăn Kuô̆k hô̆i tối nhên, hneăng lăm drêng kố ai pơxúa khât tung pơla péa tơnêi têa dế hbrâ vâ tơbâ hâi mơjiâng tơrŭm cheăng tơpui kâ ƀă kĭ tơhrâ tơrŭm cheăng ƀă Tơrŭm cheăng ƀă Việt Nam - Lếo.

Mâu rôh tơpui tơno tơrá khu râ kăn xiâm pơla péa tơnêi têa dế tơbleăng hlối púi vâ tung pơla to pro kăn ki nếo, pôa kô pêi klêi hnoăng cheăng, rơtế ƀă Hngêi tơleăng xiâm Việt Nam rơtế veăng ‘no hnoăng tơrŭm krá, mơdêk tơ-ƀrê tâ nếo tơdroăng tơrŭm cheăng dêi péa tơnêi têa.

Kăn xiâm hnê ngăn Kuô̆k hô̆i púi vâ, hngêi tơleăng péa tơnêi têa pơtối rak vế mâu tơdroăng tơ-ƀrê ki péa pâ hiăng châ pêi pro, ôh tá la lâi pơtê mơdêk ki tơ-brê tơdroăng cheăng tung la ngiâ. 

Gương tơplôu ƀă tơbleăng