VOV4.Xơ Đăng -  Tiô rơkong krếo thế dêi pôa Vương Đình Huệ, Kăn xiâm hnê ngăn Kuô̆k hô̆i, mê pôa Tan Chuan-Jin, Kăn xiâm hnê ngăn Kuô̆k hô̆i Singapore prế kơdrâi pôa pơkuâ djâ khu Kăn Kuô̆k hô̆i kong têa Singapore lăm pôu Việt Nam ing hâi lơ 18 troh lơ 20/5/2022. Kơxê lơ 18/5 leh tơdah pôa Tan Chuan-Jin ƀă kơdrâi pôa hiăng po kân krip a Hngêi pêi cheăng Kuô̆k hô̆i,  xua Pôa Vương Đình Huệ ƀă kơdrâi pôa pơkuâ leh. Klêi leh tơdah, hiăng po rôh tơpui tơno pơla khu kăn xiâm Kuô̆k hô̆i péa tơnêi têa.

Kăn xiâm hnê ngăn Kuô̆k hô̆i tơpui ƀă Kăn xiâm hnê ngăn Kuô̆k hô̆i Singapore

A rôh tơpui tơno, péa ngế kăn xiâm pơtối môi tuăn troăng rơhlâ tơchoâm dêi ASEAN ‘na hơniâp lĕm tơniăn, kring vế tơniăn troăng têa kơxĭ a Biển Đông, tơleăng mơnhên tơdroăng tơbriât ƀă mâu tơdroăng hơniâp lĕm ing luât pơkâ lâp plâi tơnêi, tung mê ai UNCLOS 1982; mơnê Singapore veăng kum Việt Nam chêh inâi mot tung Vi ƀan ngăn tíu tơkăng kong a tơnêi hneăng hơnăm 2023-2028, pâ thế Singapore pơtối kum Việt Nam pâ mot tung Vi ƀan ngăn ‘na luât ƀă kih thuât dêi kơ koan xiâm ngăn kơdó têa kơxĭ hneăng hơnăm 2023-2027.

Gương tơplôu ƀă tơbleăng