VOV4.Xơ Đăng - Kơxê lơ 28/6, klêi kơ’nâi chu a tơraih tơƀai London Heathrow pơxiâm rôh lăm pôu păng ‘nâng kong têa Ănglê, pôa Vương Đình Huệ, kăn xiâm hnê ngăn Kuô̆k hô̆i ƀă Khu kăn cheăng tung Kuô̆k hô̆i tơnêi têa pin hiăng pôu Tíu pêi cheăng kăn teăng mâ ƀă trâm mâu kuăn pơlê cho mâu ngế Việt Nam a kong têa Ănglê. Klêi kơ’nâi tơpui tơno dêi mâu khu, vâi krâ nhŏng o Việt Nam a kong têa Ănglê, pôa Vương Đình Huệ mơnhên tối khât vâi krâ nhŏng o hiăng tơrŭm, mot tơrŭm ƀlêi chiâng ƀă kong têa ê.

Kăn xiâm hnê ngăn Kuô̆k hô̆i trâm mâ pơlê Việt Nam a kong têa Ănglê

Malối cho mâu tơdroăng cheăng pêi pro ai pơxúa dêi mâu hô̆i, đoân hiăng xoăng, tơmiât troh pơlê xiâm, tơnêi têa ing mâu tơdroăng pêi pro ai pơxúa cho khât. Lối 3,5 rơtuh dollars kum ăm vâi krâ nhŏng o tung tơnêi têa tung rôh ai pơreăng pơla hdrối nah cho tơdroăng ki mơhno tối ăm tơdroăng ki mê. Mâu hiâm mơno ki mê cho tơdroăng ki kơnía khât. Kăn xiâm hnê ngăn Kuô̆k hô̆i tối nhên, châ tơdroăng ki rơdêi ƀă mâu tơdroăng ki mơnhông dêi mâu hô̆i tung pơla hdrối nah, ing tơdroăng kơnôm ai ivá veăng kum ôh tá iâ dêi Kăn teăng mâ Việt Nam a kong têa Ănglê pơtối tơrŭm, tơmâng ngăn tâ nếo troh mâu rơxông mơngế Việt Nam vâ châ hlo, tơbleăng mâu ngế ki rơkê tung mâu kơvâ cheăng.

Katarina Nga tơplôu ƀă tơbleăng