Teăng mâ Khu râ kăn pơkuâ Đảng, Tơnêi têa ƀă Vi ƀan pơkuâ Kuô̆k hô̆i, pôa Trần Thanh Mẫn tối pâ mơnê ƀă mô đô̆i hneăng hdrối nah, mâu ngế ai hnoăng tơnêi têa ƀă tối nhên, Trung đoân 271, Kuân khu Trị Thiên veăng gum tơbêng tơdroăng ki ƀlêi trâng kân, khên tơnôu dêi khu lêng pin, hdroâng mơngế pin, tơnêi têa pin.

Tung la ngiâ, pôa Trần Thanh Mẫn pói vâ, mô đô̆i hneăng hdrối nah, mâu ngế ai hnoăng Trung đoân 271 Kuân khu Trị Thiên pơtối mơnhông khôi túa tung tơdroăng tơplâ, tơleăng hdroâng mơngế tung roh mơjiâng tơnêi têa nôkố; tơdrêng amê hnê hriâm khôi túa Ngoh mô đô̆i Pôa Hồ ƀă hiâm mơno lĕm “Môi tuăn ƀă tơnêi têa, môi tuăn ƀă Đảng, hlế ƀă kuăn pơlê’’, hnê hriâm ăm rơxông ối nếo ‘na tơdroăng ki khên tơnôu, ôh tá xâu pá puât, tiô khôi túa dêi Trung đoân 271 Kuân khu Trị Thiên tối krê ƀă mô đô̆i Pôa Hồ tối tơdjuôm.